B'a remplasa Diana Djaoen -kende nos a jama hopi danki pa su sosten tur e anjanan aki- den e direktiva di Fundashon pa Kuido pa Stranhero (Stichting Buitenlanderzorg) i e idea ta pa sigi ku nos remarkenan na papiamento pa informa nos respondentenan na Antias.

Pues e direktiva nobo di FKS ta konsisti di Nelson Peternella, komo miembro, abo, Dilia Garces Azcarate, komo vise-presidente, i ami, Berend Scheperboer komo presidente.

Nos a palabra ku nos lo amplia e direktiva ku mas hende, for di kual grupo nos lo sigi fungi komo direktiva diario.

Nos fundashon hermana na Bonaire a establese su mes sin mas komo partner di Gobierno pa solushon di problema di stranhero. Nan a jega masha lew den un temporada basta kortiku, i konhuntamente nan ta baiendo bon.

Nos lo aplika mesun strategianan i taktikanan pa jega mesun fin, es:

traha huntu ku gobierno pa por solushona problemanan eksistente na un manera kreativo, i habri pa otr'un su punto di bisto.

Ehempel di un problema:

Na VD bo ta forma un fila pa kue un number, si bo tin bo number bo ta forma fila pa bo por jega na bo beurt.

Na DAZ bo ta jega, kue un number, sinta warda te b'a bira pus, despues di tur kos nan ta judabo masha lief pa mandabo bai bek bin ku un of otr'un kos ku a falta.

VD ta pidi pa bo bai DAZ prome pa pidi un DAZ-permit di trabou prome ku bo por hanja un VD-permit di estadia, i DAZ tin ku judabo sin por a pidibo un permit di estadia of inskripshon pa tal permit; esei ta mundo kabes abou.

Nos tin ku habri palabrashon ku Gobierno ta kon nos por fasilita pa hende ta bai na un solo "offisina di informashon pa permit" di Gobierno pa duna tur informashon parew ku Gobierno su servisionan tin mester di dje. For di e ofisina sentral ei ta manda e informashon pa permit pa e servisio konserni, tur kos ta wordu kontrola i prosesa, e permit ta bai e solo ofisina sentral bek pa e kliente di Gobierno por hanja su permit ku a pidi.

Nos tin di wak ta kon ta simplifika e protokolnan pa jega na un bon servisio na nos inhabitantenan; nos tin ku wak ta kon posiblemente FKS por traha huntu ku Gobierno i bou di kua kondishon nos por juda solushona problemanan basta grandi ku tin.

Stranheronan non-integra den nos komunidat ta trese peliger pa desintegrashon di nos kultura, pa deterioriashon di nos barionan pa falta di integrashon sosial, pasombra nos no ta biba huntu i nos no ta sinja nada for di otro tampoko; esei ta un kos hopi mahos mes.

Berend : :